‘दोन्ही किडन्या चोरी गेल्या, पतीही पळाला… माझ्या मुलांचं काय होणार?’, महिलेचं दु:खं वाचून बसेल धक्का

डॉक्टरांना आपण देव मानतो. मोठ्या विश्वासाने आपण कोणत्याही दवाखान्यात घेत असतो. पण तुम्ही विचार केला का उपचार सुरू असलेल्या रुग्णालयातून कधी तुमच्या दोन्ही किडनी चोरीला गेल्या तर. इतकेच नाही तर आयुष्यभर साथ देण्याचे वचन दिलेल्या पतीचेही पळ काढला. तीन मुलं आहेत. मजुरी करून मुलांचं पालन पोषण करत होती. आता हॉस्पिटलमध्ये भरती आहे. शेवटचे दिवस मोजत आहे. माहीत नाही किती दिवस जगू शकेल. पण माझी चूक काय होती. माझ्यानंतर या मुलांचं काय होणा? ते कसे जगतील?

बिहारमधील मुझफ्फरपूर येथील रुग्णालयात भरती असलेल्या सुनितासोबत घडलेली घटना वाचून अंगावर काटा येतो. मन हेलावून जाते. गर्भाशयाच्या इन्फेक्शन मुळे सुनीता एका नर्सिंग होममध्ये गेल्या होत्या. तेथे डॉक्टरांनी तिच्या दोन्ही किडन्या काढून पळ काढला. आता सुनीतावर मुझफ्फरपूरच्या एसके मेडिकल कॉलेजमध्ये उपचार सुरू आहेत. त्यांची प्रकृती दिवसेंदिवस ढासळत चालली आहे. तिला दर दोन दिवसांनी डायलिसिस करावे लागते. किडनी दान करण्यासाठी अनेक जण पुढे आले. पण मॅच न झाल्याने प्रत्यारोपण होऊ शकले नाही.

सुनीताची मुलं आपल्या आईला रोज मरताना पाहत आहेत. सुनीताला जेव्हा कोणी भेटायला येते तेव्हा ती त्यांना एकच प्रश्न विचारते, या मुलांचा काय दोष? माझ्यानंतर त्यांचे काय होईल? तिचा पती अकलू राम काही दिवसांपूर्वीपर्यंत तिच्यासोबत होता. किडनी दान करण्यासही ते तयार होते. मात्र त्यांची किडनी जुळत नव्हती. काही कारणास्तव सुनीताचे अकलू रामसोबत भांडण झाले आणि तो तिन्ही मुलांना आणि पत्नीला सोडून पळून गेला. जाता जाता त्याचे शब्द सुनीताच्या जखमां आणखी जास्त ओल्या करून गेले.

निघताना अकलू रामने सुनीताला सांगितले की आता मी तुझ्यासोबत राहू शकणार नाही. म्हणून मी जात आहे पतीसोबत झालेल्या भांडणाचा उल्लेख करून सुनीता रडत होती. तब्येत चांगली असताना ती स्वयंरोजगार असल्याचे तिने सांगितले. मुलांना कसली कमतरता नव्हती. नवऱ्याचे शेवटचे शब्द आठवत ती म्हणाली, ‘ निघताना तो म्हणाला होता की आता तुझ्यासोबत राहणे अवघड आहे. तू जगलिस का मेली याची मला पर्वा नाही. पती तिला सोडून दुसरे लग्न करेल, अशी भीतीही सुनीताला आहे.

सुनीताची आई हॉस्पिटलमध्ये तिची काळजी घेत आहे. पती-पत्नीमधील वादावर मी काहीही बोलणार नसल्याचे तिने सांगितले. अकलू राम महिनाभरापूर्वीपर्यंत किडनी देण्यास तयार असल्याचे त्यांनी सांगितले. पण ते जुळत नाही. रुग्णालयातील लोक तिला मदत करत आहेत. मात्र दात्याची किडनी जुळत नाही.

3 डिसेंबर रोजी मुझफ्फरपूरमधील बरियारपूर चौकाजवळील खासगी शुभकांत क्लिनिकमध्ये बनावट डॉक्टरांनी सुनीतादेवींच्या गर्भाशयावर ऑपरेशन करण्याऐवजी त्यांची किडनी काढली. महिलेची प्रकृती खालावल्याने डॉक्टर आणि क्लिनिकचे संचालक पवन तेथून पळून गेले. डॉक्टरांनी तिची फसवणूक केल्याचा आरोप आहे. पोलिसांनी पवनला अटक केली आहे.